ამ თემის მიზანია ვაჩვენოთ ერთმანეთს, თუ რამდენად ვუცლით სახეს ორიგინალ ფაილს, რა დადებითი და რა უარყოფითი მხარეები აქვს ამ პროცესს და საერთოდ ვასწავლოთ ერთმანეთს ჩვენი ტექნიკა. ამ თემის იდეა დიდი ხანია თავში მიტრიალებს, რაც განაპირობა ჩემს PM ბოქსში ხშირმა შეკითხვებმა ფოტოების დამუშავებასთან დაკავშირებით.
მაშ ასე: მე დავდებ პირველ ფოტოს, თან ავხსნი როგორ და რა გავაკეთე, ყველაფერს ზუსტად სავარაუდოდ ვერ გავიხსენებ, მაგრამ ვეცდები მიახლოებით მაინც მოვყვე.
ფოტო გადაღებულია თვითმფრინავის ილუმინატორიდან, რამდენიმე ათასი მეტრის სიმაღლეზე. განათება რომ საშინელებაა, ხედავთ ალბათ ორიგინალში, თანაც გადაღებულია შუადღისას, რაც მოგეხსენებათ ყველაზე მურტალი დროა სინათლის ამბავში. კამერა: Nikon D70 ობიექტივი: 24-120
მე პირადად არ ვარ განსწავლილი ფოტოს ტექნიკურ მახასიათებლებში და არ ვიცი ხშირად ფოტოს მახასიათებლები როგორ გავასწორო ხოლმე, სიჩქარე რამდენი, დიაფრაგმა და ეგეთები არ ვიცი და მომკალით. ამიტომ შევეჩვიე რომ ჩემს ამ ნაკლს მერე კომპში ვასწორებ ხოლმე, რაც დამეთანხმებით არაა მთლად კარგი. ამ თემის გახსნის ერთ-ერთი მიზანიც ისაა, რომ მე თვითონ მინდა რჩევების მიღება და ვინც იცის ეს საქმე ცოტა მეც მასწავლეთ.
ფოტოშოპში მოქმედებები: შედოუ ჰაილაითი შემდეგ ცისფერი ფერის ამოღება ხმელეთისა ნაწილიდან სელექტივ ქალარის მეშვეობით (რადგან ცისფერის ანტიპოდი ფერებში წითელია, სწორედ ამ მეთიდით ვანეიტრალებ ხოლმე). შემდეგ მწვანის ამოწევა და გადაქცევა ყვითლად - იქ სადაც ყვითელი უნდა იყოს წესით. ყვითლის გადაყვანა მოწითალო-მოსტაფილოსფრო ხარისხში.
თეთრის ამონათება დ აღრუბლებიდან იგივენაირად ცისფერი ფერის მოშორება.
და ბოლოს ცისფერი დარჩა მხოლოდ ცაზე და იქ ვალურჟებ და ბრაშით ვაბნელებ ზედა ნაწილს. სულ ბოლოს ფილტრებიდან შარპენი და მისი ქვემენიუდან სმარტ შარპენი.
იმედია მოგწონთ საბოლოო შედეგი, მაგრამ ვიცი რომ საწყისი ასეთი საშინელება არ უნდა იყოს.
შედოუ ჰაილაითი - Image -> Adjustments -> Shadows/Highlights (Show More Options უნდა ჩაურთო ერთი პტიჩკის მიწკაპებით - როდესაც ეს ფანჯარა გამოვა იქვეა) სელექტივ ქალარი - Image -> Adjustments -> Selective Color (როდესაც ეს ფანჯარა გამოვა საცდელად რამე ფოტოზე ნახე რა ეფექტებს მოახდენს ფერებით თამაში, რომ არ მოგატყუო ეგრე ვისწავლე, ყველაფერი დავტესტე საცდელ ფოტოებზე).
შარპენის ფილტრი - Filter -> Sharpen -> Smart Sharpen (აქაც გამოვა ფანჯარა, თუ პატარა ზომის ფოტო გაქვს უკვე საიტისათვის დაპატარავებული, მაშინ Amount: 50-70-ის ფარგლებში და Radius: 0.5) ეფექტს პრევიუზევე გაჩვენებს. როდესაც დიდი ზომის ფაილს უმატებ შარპენს მაშინ შესაბამისად რადიუსის ზომა უნდა გაზარდო და ეფექტსაც ნახავ. Added @ აი შემდეგი ფოტო: გადაღებულია იმავე სერიაში და მსგავსი დამუშავებითაა:
მადლობა მიშას ამ თემის გახსნისთვის. მეც დღეში ალბათ 2 PM-ს მაინც მწერენ შეკიხვით, ეს როგორ დაამუშავე, გამიზიარეო.
მოკლედ მეგობრებო, მე ვფიქრობ მთავარია იცოდე რა გინდა რომ გამოვიდეს. როგორ - ეს უკვე შედარებით ადვილი მისაღწევია, როცა მილიონობით ვიდეო არსებობს youtube-ზე ნებისმიერ ფილტრსა თუ პლაგინის შესახებ და ნაბიჯ-ნაბიჯაა ახსნილი ამა თუ იმ მოტივის მქონე ფოტოს დამუშავება. არსებობს ასევე სპეციალური მოქმედებათა ჯგუფი, შეკრული ერთ Actions ფაილად, რომლის გაკეთებაც ნებისმიერ ფოტოშოპის მომხმარებელს ინდივიდუალურადაც შეუძლია. ისინი ავტომატურად ამუშავებენ ფაილებს, წინასწარი დაგეგმილი ოპერაციების თანმიმდევრული გაშვებით. ამის შესახებაც ძალიან ბევრ ინფორმაციას ამოიღებთ youtube-დან. უბრალოდ ძებნაში ჩაწერეთ Photoshop Actions.
რაც შემეხება მე, არც მე ვარ პროფესიონალი და ჯერჯერობით სწავლის პროცესში ვარ. რა თქმა უნდა ჩემს ფოტოებზეც კარგად ჩანს ეს თუმცა აქვე მინდა ვთქვა, რომ ზოგიერთი ფოტოს დამუშავებას 5-6 საათი ვუნდები. მათი ოპერაციების მიმდინარეობას მე კი არა ფოტოშოპის History ვერ იმახსოვრებს
ოკ, ეხლა მოვრჩები ლაყბობას და მეც შემოგთავაზებთ ჩემი უბრალო, სწრაფი დამუშავების ვარიანტს: მაგალითად ზაფხულის მოტივიდან შემოდგომის მოტივზე ფოტოს გადაყვანა: ვნახოთ რა გამოვა.
besos, რადიკალზე რომ ტვირთავ ავტომატურად გიზღუდავს 640 პიქსელამდე და პტიჩკაა მოსასხნელი ქვევით მანდვეა ხარისხის გრაფა სადაც 85 წერია და 100 უნდა ჩაწერო..
შენს შემოდგომის ფერებს მეც მივამატებ ერთ ნამუშევარს. ფოტო გადაღებულია დიმიტრი ნადირაძის (ditrofane) მიერ:
ფოტო რამდენიმე წლის წინაა გადაღებული და დამუშავებული და ნამდვილად არ მახსოვს ყველაფერი. ძირითადად სელექტივ ქალარზე მაქვს ნამუშევარი.
რაც შეეხება დროს რომელსაც ვხარჯავ ფოტოს დამუშავებაზე: 10-15 წუთი საშუალოდ. ყოფილა შემთხვევები რამდენიმე საათიც მიკეთებია სასურველი შედეგის მისაღებად. Added @
Nikoloz Mameishvili, საღოლ ვერც კი ვიფიქრებდი რომ სხვადასხვა კადრიდან არიან ბავშვი და ის კაცი მაგარია
არის ასეთი პატარა პლაგინი-პროგრამა სახელად Photomatix Pro 3. ერთიდაიგივე ფოტოს 3 ვარიანტის (გადათეთრებული, ნორმალური და ჩამოქებული) ურთიერთშერწყმას ახდენს. ნუ რა თქმა უნდა შენც უნდა წაეხმარო პარამეტრების დაყენებაში და შემდეგ ფოტოშოპში კორექციაში. მაგრამ აი ეს გამოდის:
ეს კი ჯერჯერობით, ჩემი ფოტო დამუშავენის მწვერვალია.
გამოყენებული მაქვს Quick Mask mode მონიშვნის საშუალება, არაერთხელ. აგრეთვე Gradient Map მონიშნული ველებზე. რა თქმა უნდა ფერების კორექცია selectiv color-ით და მსგავსი წვრილმანები. აგრეთვე მომიწია წამოსული თოვლის ხელოვნურად შექმნაც. მოკლედ ზუსტ და სუფთა მონიშვნას მიაქვს დიდი დრო. ამ ფოტოს დასამუშავებლად მართლა დიდი დრო დამჭირდა. დაახლოებით 6-7 საათი. დამუშავების პროცესმა რა თქმა უნდა სიამოვნება მომანიჭა და შემდეგ უკვე იმანაც, რომ პუბლიკამ ჩემი დამუშავებული ფოტო მოიწონა და ჩვენი კლუბის ჩათვლით, რამოდენიმე კლუბის საუკეთესო ნაშრომთა სიაშიც შევიდა.
ანარეკლში მწვანეა და ზევით თეთრი ხო? ამ ფოტოს "ზამთრის სიზმარი" რომ ჰქვია, იმაზე რას იტყვით? ზუსტად ასე იყო ჩაფიქრებული, თორემ როგორ ფიქრობთ, ზევით თუ გავათეთრე, წყლის ანარეკლზე გათეთრებას რაღა უნდოდა? მაშინ არც მონიშვნაზე წვალება აღარ დამჭირდებოდა და არც დროს დავხარჟავდი ამდენს.
როდესაც რაღაც ნაწილს შავთეთრ ფოტოზე ტოვებ ფერადს, მაშინ ის ნაწილი უნდა "ყვიროდეს", ბევრ რამეს უნდა ამბობდეს. შენს ადგილზე ტბის ქვედა ნაწილს შემოდგომად გადავაქცევდი და თანაც ძალიან "მყვირალა" შემოდგომად.
tsumbusha, დადე შენებიც მაგრად მაინტერესებს
აი აზერბაიჯანული პეიზაჟი, ამ ფოტომ მოწონება დაიმსახურა და გაჩვენებთ რა იყო თავიდან
ამონათებულია ქვედა ნაწილი და ზედა ცის ნაწილი არის ჩაბნელებული, ფერები არაბუნებრივია, რამდენიმე ცხვარი რომელიც კადრს აფუჭებდა მარცხენა მხარეს მიკლონილია, შნურები თავისთავად წაშლილია, ბუნებრივ ფერებს ცოტა არაბუნებრივი ვარჩიე.
ცაზე შუმი მომცა და მოვნიშნე ცის ნაწილი, ამიტომაც გავბლარე: ფოტოშოპში ფილტრი -> Filter -> Blur -> Lens Blur (რა თქმა უნდა ბლარის სიხშირეს თვითონ ასწორებ)
ამ ფოტოს თითქმის 2 საათი ვამუშავებდი და მემგონი კარგი გამოვიდა.
ეს დამუშავება ვფიქრობ არც ისე კარგია. უბრალოდ უკეთესად ვერ შევძელი. უმთავრესი პრობლემა რაც არის, ციხის ეზოში და კედლებზე არასწორი განათებაა. ყველანაირად ვეცადე, რომ ცის ფაქტირა განათების შესაბამისად მომერგო, მაგრამ მაინც არ გამომივიდა ისეთი როგორიც მინდოდა ყოფილიყო. Filter - Render - Lighting Effects გამოყენება ვერ ვისწავლე.
როგორც ფოტოებზე ჩანს, ასფალტი ფილაქნით შევცვალე, ცა შეცვლილია. ადამიანები და არასაჭირო ნივთები გავაქრე Healing Brush Tool-ით. ყვავები დავამატე. მათ გადასაღებად სპეციალურად წავედი სათითაოდაა თითოეული გადაღებული და ამოჭრილ-ჩასმული. ზოგიერთი რა თქმა უნდა კლონირებულია და ფორმა შეცვლილი. გამოყენებულია Image - Ajustments - desaturate, Image - Ajustments - Selective Collors, Image - Ajustments - Hue/Saturation. აგრეთვე Filter - blur - Guassian Blur, Filter - blur Sharpen - Unsharp Mask, ეს ყველაფერი რამოდენიმე ლეერის პრინციპით, რომლებიც Opacity -თი გადადის ერთმანეთში.
ამ ვარიანტს კი ყოველივე მაღლა თქმულთან ერთად, დამატებული აქვს ფილტრი Fotomatic - SkyGrad რომელიც დამატებითი პლაგინის სახით მოიპოვება ინტერნეტში და Image - Ajustments - Levels - ით ცოტა ლეველები ავწიიე, რომ სულ ბნელი არ გამოსულიყო.
Before - After, გვაჩვენეთ რამდენად ცვლით ორიგინალ ფაილს
Nov 23 2011, 19:22
Amateur+ 
Amateur 
:D:D 
Administration 
